Бүгін қала әкімінің орынбасары Мира Қазбекова қаладағы бірқатар нысандарды аралады.
Әуелі, жасөспірімдерді ақысыз негізде спорттық секциялармен қамтамасыз етіп отырған Қажымұқан Мұңайтпасұлы атындағы спорт клубында болды. Спорт клубында 1000-ға жуық жаттығушы 10 спорт түрінен жаттығуда. Қала әкімінің орынбасары ғимарат ішімен толықтай танысып, жаңа оқу жылына жөндеу жұмыстарын қажет ететіндігін және мәселені шешу жолында тиісті шаралар қабылданатындығын айтты.


Келесі ретте, қала әкімінің орынбасары қалалық жастар ресурстық орталығының теңгеріміне берілген ғимаратпен танысты. Онда орталықтағы жастармен кездесіп, «Жастар ісі жөніндегі комиссия отырысын жаңаша форматта, яғни «Онлайн» режимде өткізуге Өз ұсынысын білдірді.