Рухани Жаңғыру
Бізге 200 жыл!
Сыр - Алаштың анасы
Туған күніңмен, Қызылорда!
Сыр елім - Жыр елім Қызылорда
Сыр сұлуы - Қызылордам

Қала әкімінің Қазақстан Республикасының Конституциясы күнімен ҚҰТТЫҚТАУЫ


⚜ Қызылорда қаласының әкімі Ғанибек Қазантаевтың 30 тамыз - Қазақстан Республикасының Конституциясы күнімен ҚҰТТЫҚТАУЫ
Құрметті қызылордалықтар!

Сіздерді еліміздің ең маңызды мерекесінің бірі – Қазақстан Республикасының Конституциясы күнімен шын жүректен құттықтаймын! 
Осыдан жиырма алты жыл бұрын Елбасы ұсынып, халық қолдауымен қабылданған Конституция азаттығымыздың айғағы, болашағымыздың бағдары саналады. 
Бүгінгі таңда бірінші бабы «Мемлекеттің ең қымбат қазынасы -- адам» деп басталатын Ата Заңымыз мемлекетіміздегі саяси тұрақтылықтың, халқымыздың баянды өмірінің кепілі болып келеді. Әсіресе, ұлттық рухани құндылықтарымызды нығайтуға, әр адамның және отбасының әлеуметтік жағдайының жақсаруына негізін салды. Ең бастысы, азаматтардың құқықтары мен бостандықтарының берік қорғалуының кепілі ретінде өміршеңдігін көрсетті. Осылайша бірлігі мен татулығы жарасқан сандаған ұлттардың Қазақстанның бір шаңырағы астында алаңсыз өмір сүруін қамтамасыз етті. 
Еліміздің әлемдік аренада татулық пен  достықтың мекеніне айналып отырғаны да – Конституциямыздың еселі жемісі.  Сондықтан, Ата Заңымызды құрметтеп, онда белгіленген принциптерді сақтау – әрқайсымыздың азаматтық борышымыз.
Қадірлі жерлестер! 
Баянды істеріміздің бастауы болған Ата Заңымызды әрдайым қастерлеу  перзенттік парызымыз деп есептеймін. Қөк байрағымыз аспанымызда желбіреп, ынтымақтастық жолында өркен жайған мемлекетіміздің мәртебесі өсе берсін.
Осынау мерейлі мерекеде баршаңыздың  дендеріңізге саулық, еңбектеріңізге жеміс, отбасыларыңызға амандық тілеймін!
Еліміз аман, Тәуелсіздігіміз тұғырлы болсын ағайын!
30 тамыз 2021 ж. 68 0

Күнтізбе

«    Қыркүйек 2021    »
ДсСсСрБсЖмСбЖс
 12345
6789101112
13141516171819
20212223242526
27282930 

Сауалнама

Сайттың жұмысын қалай бағалайсыз?