КӨШЕГЕ ҚАЛАМГЕР ЕСІМІ БЕРІЛДІ 

Қызылорда қаласының төріндегі көшелердің біріне мезгілсіз қаза тапқан қаламгер Сахитжан Бермағанбетовтің есімі берілді. 

Сахитжан Бермағанбетов 1982 жылы Арал ауданы, Қарақұм ауылында дүниеге келген. Қорқыт Ата атындағы Қызылорда мемлекеттік университетінен журналист мамандығын алып, телеарна майталманына айналды. Ол «Қоғам ТВ» телеарнасында редактор болып, азулы телебағдарлама «Аптаның алты ауызын» тізгіндеді. Тілшілік қызметпен  «Қазақстан Қызылорда» телеарнасында да еңбек етті. Аптаны қорытындылар  «Түйін» ақпараттық- сараптамалық бағдарламасының авторы болды.

2007 жылы облыс әкімінің баспасөз хатшылығымен қатар, баспасөз орталығына жетекшілік жасады. Өткір тілді, озық ойлы, батыл бастамаларымен дараланған журналист халықтың ерекше ықыласына бөленді.