Бүгін қала әкімінің орынбасары, ҮЕҰ-мен өзара іс-қимыл жөніндегі уәкілетті тұлға А. Есжанов қаладағы бірқатар үкіметтік емес ұйым өкілдеріне жеке қабылдау өткізді.

Жеке қабылдауға «Қызылорда қалалық әйелдер Кеңесі» қоғамдық бірлестігінің төрайымы, «Қызылорда қалалық ардагерлер ұйымы» қоғамдық бірлестігінің төрағасы қатысты.

Жеке қабылдау кезінде ауылдық әйелдер істері және отбасылық демографиялық саясат жөніндегі отырыс өткізу, жастар арасындағы қылмыстылық пен отбасы құндылығының төмендеуі және салт дәстүрден алшақтау секілді кереғар мінездер ұлттың болашағы үшін өзекті мәселелер туындауына байланысты қалалық жастар ресурстық орталығы тарапынан әзірленген бірқатар жобаларды қысқартып, орнына ұлттық құндылықтар мен отбасы құндылықтарын насихаттауға арналған жобалар әзірлеу туралы мәселелер көтерілді.