Рухани Жаңғыру
Бізге 200 жыл!
Сыр - Алаштың анасы
Туған күніңмен, Қызылорда!
Сыр елім - Жыр елім Қызылорда
Сыр сұлуы - Қызылордам

ҚАЛА ӘКІМІ АУЫЛ ТҰРҒЫНДАРЫМЕН КЕЗДЕСТІ

Бүгін қала әкімі Ғанибек Қазантаев қалалық мәслихат хатшысы Ибадулла Құттықожаев және мәслихат депутаттарымен бірге шаһар іргесіндегі Қосшыңырау, Қарауылтөбе, Қызылжарма ауылдық округтеріне барып, ауыл халқымен кездесіп, тұрғындармен тілдесті.
Басшылық қызметке келгеніне аптаның жүзі болған қала әкімі елді-мекендердің әл-ауқаты мен тұрмыс тіршілігін көзбен көріп, жалпы ахуалмен танысты. Жиында ауыл әкімдері елді-мекендердің экономикалық көрсеткіштері, кәсіпкерлік саласының дамуы, салық түсімі, қоғамдық саяси ахуалы туралы хабарлама жасап, жұмыс жоспарларын да ортаға салды. 
Келелі жиынға келген ауылдықтардың айтар уәжі меy талап-тілектерін, пікірлерін мұқият тыңдап, алда атқарылар бірқатар жұмыстарды талқылаған қала әкімі бұған дейін ел басқарған азаматтардың жұмысын сәтті жалғап, ауылдардың әлеуметтік-экономикалық жағдайын жақсартып, дамыту бағытында  тұрғындармен бірлесіп, ақылдасып, жүйелі жұмыстарды жүргізетіндігін жеткізді. Сонымен қатар ауылдардағы Қоғамдық кеңестің жұмысын тиімді ұйымдастыру керектігін ерекше атап өтіп, қала іргесіндегі көпшілікті кәсіпкерлікке көбірек көңіл бөлуге шақырды. 
Өз кезегінде жаңа әкімді жылы қарсы алған ауыл халқы Ғанибек Қонысбекұлының алда атқарар жұмыстарына сәттілік тілеп, әлеуметтің әлеуетін арттырар ауқымды жобаларды қолға алатындығына сенім білдіретіндіктерін жеткізіп, ақ батасын берді.
Айта кетейік, шаһар басшысы қалаға қарасты кент пен басқа да ауылдық округтерге арнайы барып, халықтың көкейіндегі сауалын тыңдап, көпшілікпен жүздесетін болады.
15 сәуір 2021 ж. 118 0

Күнтізбе

«    Мамыр 2021    »
ДсСсСрБсЖмСбЖс
 12
3456789
10111213141516
17181920212223
24252627282930
31 

Сауалнама

Сайттың жұмысын қалай бағалайсыз?