Рухани Жаңғыру
Бізге 200 жыл!
Сыр - Алаштың анасы
Туған күніңмен, Қызылорда!
Сыр елім - Жыр елім Қызылорда
Сыр сұлуы - Қызылордам

ТАСБӨГЕТ КЕНТІ: АТҚАРЫЛҒАН ЖҰМЫСТАР АУҚЫМЫ КЕҢ


Биыл Тасбөгет кенті үшін табысты жылдардың бірі. Бұған негіз  тұрғындар тарапынан жиі қозғалатын және басқа да мәселелердің алдын ала жинақталып, жан-жақты қарастырудың нәтижесінде халықтың тұрмыс тіршілігіне қолайлы орта қалыптастыруға бағытталған игі мүмкіндіктерге жол ашылды.
Осы орайда, бүгін бұқаралық ақпарат құралдары өкілдері аталған жұмыстармен танысу мақсатында Тасбөгет кентінде болды.
Тасбөгет кентінде «Жұмыспен қамтудың 2020-2021 жылдарға арналған жол картасы» бағдарламасы аясында  3 көшеге күрделі жөндеу, 1 көшеге орташа жөндеу қолға алынса, кенттің жаңадан қалыптасып келе жатқан аумағындағы 15 көшеге малта тас төсеу жұмыстары жүргізілуде.
Кенттің көшелерін жарықтандыру жұмыстарына да аса мән берілген.  Биыл 4 көшеге жарық бағаналарын орнату жұмыстары жүргізілуде. Жалпы, кентте 23 көшеге барлығы 957 дана көше жарығы орнатылған. 
Бұдан бөлек, қоныстанушы жеке үйлерді жаңадан электр желілерімен қамту мақсатында кенттің шет аймақтарындағы 4 көшеге электр бағаналары орнатылуда. 

Тұрғындардың ерекше сұранысына ие кентті спорт алаңдарымен қамтуда сәтті жүзеге асырылуда. Бұл мақсатта «Жұмыспен қамтудың 2020-2021 жылдарға арналған жол картасы» аясында кенттің орталығынан заманауи стритбол алаңы бой көтерді. 

Кент аумағынан жаңа бейіт салу мәселесін көтеріп жүрген кент тұрғындары үшін бүгінгі күні жаңа бейіттің құрылыс алаңын әзірлеу жұмыстарының бастау алуы да игі істердің бірі.
 
Сонымен қатар, биыл кентке қарасты Сабалақ саяжайына да ерекше көңіл бөлініп отыр. 2020 жылы облыстық бюджеттен қаралған қаржыға Қалалық электр тарату торабы арқылы Сабалақ өңіріндегі «Медик», «Монолит», «Қаржыгер», «Обувщик», «Мелиоратор», және «Дорожник» бау-бақша серіктестігіне 6 дана трансформатор, сонымен бірге 17,6 шақырымға 488 дана электр бағаналары орнатылу жұмыстары жүргізілуде.

2018 жылы Сабалақ өңірін ауыз сумен қамту мақсатында әзірленген жобаның І кезеңі жүзеге асырылып, ұзындығы 17,0 шақырым болатын су құбыры жүргізілсе, биыл жобаның ІІ кезеңі аясында ауыз су құбырын әрбір үйге тарту үшін жұмыстардың алғашқы сатылары бастау алуда.

Аралау барысында, Тасбөгет кенті әкімі Семсер Сыздыков Зұлпыхарұлы кенттегі соңғы 2-3 жыл көлемінде атқарылған жұмыстарға қалың жұрттың ризашылығын білдіре отырып, алдағы уақытта да кентті дамытуға бағытталған жоспарлы жұмыстар қала әкімінің қолдауымен өз жалғасын таба беретіндігін жеткізді.
04 қараша 2020 ж. 944 0

Күнтізбе

«    Наурыз 2024    »
ДсСсСрБсЖмСбЖс
 123
45678910
11121314151617
18192021222324
25262728293031

Сауалнама

Сайттың жұмысын қалай бағалайсыз?