Бүгін жергілікті уақытпен сағат 11:00-де Қызылорда қаласының әкімдігі республика бойынша жарияланған індет құрбандарын үнсіз еске алу рәсімін өткізді.
Мемлекет басшысының Өкімімен 13 шілде Жалпыұлттық аза тұту күні болып белгіленген болатын. Осыған орай түнгі сағат 00:00-ден бастап қаламыздағы барлық Мемлекеттік Ту төмен түсірілді.

Жалпыұлттық аза тұту күніне орай Қызылорда қаласының әкімі Нұрлыбек Нәлібаев қала әкімдігінің алдында індеттен қаза болған азаматтарды құрметпен еске алды.

Сонымен қатар рәсімге қала әкімінің орынбасарлары, аппарат басшысы және дербес бөлім басшылары қатысты.