Қаладағы «Саяхат» мөлтек ауданы тұрғыны жеке кәсіпкер Кутышев Марат Сержанұлы жеке үйі ауласынан ауданы шамамен 600 шаршы метрді құрайтын жылыжай салған. Қажетті жабдықтарын өз қаражаты есебінен Оңтүстік Корея елінен тапсырыс беріп алдырған. Жылыжай биылғы жылы іске қосылды.
Бүгінгі күнде кәсіпкер экологиялық таза әрі қол жетімді бағадағы жергілікті қияр өнімімен қала халқын қамтамасыз етуде. Жылыжай қуаттылығы күніне 200-250 кг құрайды. Шағын кәсіп арқасында отбасы мүшелерін де жұмыспен қамтып отыр. Жылыжай өніміне тұрғындар тарапынан сұраныс та күннен-күнге артып келеді.