Бүгін қала әкімінің тапсырмасына сәйкес, халық көп шоғырланатын қоғамдық орындар мен мемлекеттік мекемелердің жұмысын зерделеу және халыққа қызмет көрсету сапасын бақылау мақсатында қала әкімінің орынбасары Мира Қазбекова бірқатар әлеуметтік нысандарда болып, сол жердегі қала тұрғындары мен мекеме басшыларының ұсыныс-пікірлерін тыңдады.
Бірінші кезекте «Азаматтарға арналған үкімет» Мемлекеттік корпорациясының ХҚО-ның филиалдарын аралап, қызмет көрсету сапасы мен қала тұрғындарына жасалған жағдайлармен танысты.
Мира Жомартқызы аталған мекемеде қызмет алушылар үшін жасалған жағдайлар мен айналасындағы санитарлық талаптардың лайықты деңгейде екендігін сөз етіп, осы бағыттағы жұмыстарды жандандыру қажеттігін айтты.
Келесі нысан, "ҚазПочта" АҚ Қызылорда облыстық филиалына қатысты мекемелерде жалғасты. Мекеменің бас ғимаратында тиісті талаптарға сай жұмыстар жүргізілуде.

Алайда, Титов тұрғын ауданында орналасқан ҚазПочта бөлімшесі ғимаратының ішкі және сыртқы жағдайы санитарлық талаптарға сай болмай шықты. Бұл туралы М.Қазбекова бөлімше басшысына қатаң ескерту жасап, шүғыл кемшіліктерді жою туралы тапсырма берді.