Кеше Қазақстан Республикасының Еңбек және халықты әлеуметтік қорғау министрлігінің жауапты хатшысы Құрманғалиева Аида Дәденқызы іс сапармен «Бақытты отбасы» орталығында болды.
Министрліктің өкіліне Орталықтың қызмет бағыты мен даму стратегиясына қатысты жұмыстар баяндалды.
Нақтылағанда, әлеуметтік саланы цифрландыру экожүйесіне қатысты жобалар таныстырылды, олар: «Бақытты отбасы» сайтының нұсқасы, «Әлеуметтік қорғау» мобильді қосымшасы, Орталық қызметкерлерін сапалы мемлекеттік қызмет ұсынуын QR кодпен бағалау сервисі.
Онымен қоса, «Бақытты отбасы» орталығының қызметін одан әрі жетілдіру мақсатында қала аумағында «Отбасы. Ана. Әке. Бала» құндылықтарына басты назар аудару арқылы оларды әлеуметтендіру мен кәсіпке бейімдеу шараларын қамтитын арнайы жоба ұсынылып, жауапты хатшы тарапынан қолдау тапты.