Ағымдағы жылдың 5, 6 наурыз күндері Қызылорда қаласы әкімдігінің «Қызылорда қаласының тұрғын үй-коммуналдық шаруашылығы, жолаушылар көлігі, автомобиль жолдары және тұрғын үй инспекциясы бөлімі» КММ мен жергілікті полиция қызметі өкілдерінің қатысуымен (Қолданыстағы Заңға сәйкес*) ПӘТЕР ИЕЛЕРІ КООПЕРАТИВТЕРІНІҢ (КСК) көрсететін қызметтеріне қатысты рейдтік іс-шаралар жүргізілді.
Нәтижесінде, қызмет көрсететін көпқабатты үйлердің іргелес аумақтарына санитарлық тазалық жұмыстарын талапқа сай атқармауларына байланысты «БАХЫТ-2», «СЕНІМ», «АЗАМАТ», «РАУАН» пәтер иелері кооперативтеріне әкімшілік құқық бұзушылық жасағаны үшін хаттамалар толтырылды.
Бұл бағыттағы жұмыстар алдағы уақытта өз жалғасын табады.
----------------------
*Қолданыстағы Заң: Қазақстан Республикасының «Тұрғын үй қатынастары туралы» Заңына сәйкес, «Үй-жайлардың (пәтерлердiң) иелерi ортақ мүлiк пен үйдi ұстауға жұмсалатын барлық шығыстарға қатысуға мiндеттi, ортақ мүлiктiң және дара (бөлек) меншiктегi үй-жайлардың сақталуы мен қауiпсiз пайдаланылуына жауапты екені атап көрсетілген.
Қазақстан Республикасы Ұлттық экономика министрінің 2015 жылғы 19 ақпандағы № 108 бұйрығымен бекітілген кондоминиум объектісінің ортақ мүлкін күтіп-ұстау қағидаларының кондоминиум объектісінің ортақ мүлкін күтіп-ұстауды сервистік қызмет субъектісі кондоминиум объектісін басқару органымен жасасатын Заңның 10-2-бабының 10-6) тармақшасына сәйкес кондоминиум объектісін басқару органы шартының үлгілік нысанына сәйкес жүзеге асырады.