НƏЛҚОЖА ЕРГЕШБАЕВТЫ ЕСКЕ АЛУҒА АРНАЛҒАН ТОҒЫЗҚҰМАЛАҚТАН АШЫҚ АЗИЯ КУБОГЫ БАСТАЛДЫ
Бүгін А.Тоқмағамбетов атындағы мəдениет үйінде мемлекет жəне қоғам қайраткері «Нəлқожа Ергешбаевты» еске алуға арналған тоғызқұмалақтан ашық Азия кубогының салтанатты ашылуы өтті.
Жарыстың ашылу салтанатына арнайы қатысқан қала əкімі Нұрлыбек Нəлібаев, дүниежүзілік тоғызқұмалақ федерациясының вице-президенті Мақсат Шотаев жəне облыстық тоғызқұмалақ федерациясының президенті Әбдіқадыр Ергешбаев командаларға сәттілік тіледі.
Қала әкімі Н.Нәлібаев «Бұл додада бақ сынағалы тұрған барлық спортшыларымызға сәттілік тілеп, ұлы тұлғалардың жолын берсін деп тілеймін.
Алдағы уақытта да ұлттық спортымызды насихаттау жолында талай табыстарға қол жеткізіп, еліміздің абыройын асқақтатып, даңқын тасыта берулеріңізге тілектеспін»,-деген ыстық ықыласын жеткізді.
Ауғанстан, Әзірбайжан, Қырғызстан, Түркіменстан, Өзбекстан, Түркия, Ресей, Моңғолия және Қазақстанның әр өңірінен 262 тоғызқұмалақшы бас қосқан жарыс жеңімпаздары мен жүлдегерлерінің есімдері 6 наурыз күні белгілі болмақ.
Жарыс "Нұрсəт" теннис орталығында өтуде.