Қалалық жастар ресурстық орталығының кеңесшісі Аружан Сахи сапармен Мәскеу қаласындағы "Ассоциация волонтерских центров" ұйымына барып қайтты.

"Волонтеры мира" халықаралық бағдарламасының үйлестірушісі Лейла Бадалова таныстыру жұмыстарын жүргізіп, алдағы жоспарларымен бөлісті.

Бұл қауымдастық - Ресейдегі ең үлкен волонтерлік ұйым. Ол 125 ұйымды біріктіреді, олардың ішінде: қайырымдылық қорлары, ҮЕҰ, университеттер мен колледждердің волонтер орталықтары, ресурстық орталықтар және Ресейдің 58 аймағындағы мемлекеттік мекемелер. Басқа мекеме/ұйымдармен оңтайлы жұмыс жүргізу үшін ұйымдастырушылық, әдістемелік, ақпараттық қолдау көрсетеді, жобаларды ұйымдастыруға волонтер орталықтарын тартып, озық тәжірибелермен алмасуды жүзеге асырады.

Бұл қарым-қатынас шетелдік тәжірибені оң жағынан алып, болашақта сапалы, әрі жүйелі жұмыс үйлестіруге септігін тигізбек.