Қызылорда қаласының аумағындағы барлық биологиялық тазарту станциялардың жағдайын анықтау және ассенизаторлық көліктердің әрекеттеріне талдау жасау мақсатында қала әкімдігі жанынан құрылған жұмысшы тобы 24-26 қаңтар аралығында рейдтік жұмыстар жүргізді.
Аталған шараға қала әкімі аппаратының, қалалық тұрғын үй-коммуналдық шаруашылық және тұрғын үй инспекциясы бөлімінің, «Қызылорда су жүйесі» мекемесінің мамандары, қалалық полиция басқармасының жергілікті полиция қызметі, жол патрульдік және учаскелік полиция инспекторлары жұмылдырылды.
Рейд нәтижесінде, 6 ассенизаторлық көліктердің жүргізушілеріне санитарлық нормаларды сақтамағаны үшін, яғни белгіленбеген орындарға ассенизаторлық көліктерден шыққан сұйық тұрмыстық қалдықтарды төккені үшін заң талаптарына сәйкес арнайы хаттамалар рәсімделіп, автокөлікті тиісті құжатсыз басқарғаны үшін 1 ассенизаторлық көлік айыппұл тұрағына жеткізілді.

Бұл бағыттағы жұмыстар қала әкімінің қатаң бақылауында.