ҚАР ТАЗАЛАУДАН ҚАЛА ТҰРҒЫНДАРЫ МЕН ЖЕКЕЛЕГЕН НЫСАН ИЕЛЕРІ ДЕ ҚАЛЫС ҚАЛМАУЫ ТИІС.
Қыс басталғалы тәулік бойы «Қызылорда тазалығы» мекемесінің қызметкерлері мен арнайы техникасы бірнеше ауысымда жұмыс жасауда. Бүгінде Қызылорда көшелерін қардан тазалауға 120 жұмысшы күші мен 42 техника жұмылдырылды.
Бірінші кезекте әлеуметтік нысандар: тұрғын үй кешендері, қоғамдық көліктер жиі қатынайтын жолдар, аялдамалар , одан әрі қаланың басқа да аумақтары да қардан тазартылуда. Сонымен қатар, қаланың әр аумағына бекітілген бригадалық топ сол аумақтың жолдарының тазалығына, қауіпсіздігін қадағалауда.
Құрметті қаладағы кәсіпкерлік нысандардың иелері, мекеме басшылары және қала тұрғындары! Сіздерді қар тазалау жұмыстарына белсенді атсалысуға шақырамыз! Себебі, бірінші кезекте балаларымыздың, әр қала тұрғындары мен жақындарымыздың қауіпсіздігі үшін бұл өте маңызды!