Қызылорда қаласының әкімі Нұрлыбек Нәлібаевтың тікелей қолдауымен ақындар мүшәйрасы ұйымдастырылды. Ә.Тәжібаев атындағы ғылыми кітапханада өткен ақындар бәйгесінде жас ақындар қаланың тамырлы тарихын, өркенді жетістіктерін арнауға қосты.

Ақындар қаланың даму перспективасын кестелі жырға қосып, ажары айшықталған шаһарды отты шумақтармен әрледі. Қазылар алқасының құрамы да өлең өлкесінде өзіндік орны бар азаматтар мен азаматшалар жас ақындардың шығармашылық деңгейін жоғары бағалады. 

Үздіктер сайысында топ жарған ақындар мүшәйрасында І орынды Айдар Сайлауов, ІІ орынды Ақтілек Бітімбай, ІІІ орынды Бексұлтан Орынбасар иеленді.

Айта кетейік, жас ақындардың арнау өлеңдері арнайы жинақ болып басылып шықпақ.