Бүгін Қызылжарма ауылдық округі әкімінің сайлауы өткізілді. Сайлауға таңдаушылардың 12 - і (қалалық мәслихат депутаттары), яғни депутаттардың жалпы санының үштен екісінен астамы қатысты.
Ауылдық округ әкімін сайлау қорытындысымен үміткер Сейілов Медет Есдәулетұлы басым дауысқа ие болып, кандидатурасы қолдау тапты.

Медет Есдәулетұлы 1982 жылдың 7 қарашасында Қызылорда облысы, Жаңақорған ауданы, Бірлік ауылында дүниеге келген. Жоғары білімді.
2003 жылы Қазақ гуманитарлық заң университетін «заңтану» мамандығы бойынша бітірген, 2013 жылы Қожа Ахмет Яссауи атындағы Халықаралық қазақ-түрік университетінде «мемлекеттік және жергілікті басқару» мамандығы бойынша білім алған.
Еңбек жолын 2003 жылы «БСК АСТЫҚ» жауапкершілігі шектеулі серіктестігінде заңгер ретінде бастаған.
2005-2007 жылдары Жаңақорған аудандық Ішкі істер бөлімінде Учаскелік полиция инспекторы, анықтаушы, анықтау бөлімінің бастығы;
2008-2011 жылдары Қызылорда облысының «Халыққа қызмет көрсету орталығы» Жаңақорған аудандық бөлімінің басшысы;
2011-2014 жылдары Қызылорда облысының «Халыққа қызмет көрсету орталығы» Шиелі аудандық бөлімінің басшысы;
2014-2017 жылдары Қарауылтөбе ауылдық округінің әкімі;
2017-2019 жылдары қалалық ауыл шаруашылығы бөлімінің басшысы;
2019 жылдың қаңтар айынан бастап қалалық ауыл шаруашылығы және ветеринария бөлімінің басшысы қызметін абыроймен атқарып келді