Іс-шараның негізгі мақсаты: Жас ұрпақты талапты да тапқыр, талғампаз да терең ойлы, төзімді де табанды етіп тәрбиелеу.
Сонымен қатар, мектеп оқушыларының инновациялық идеялары мен жобаларын жүзеге асыруға мүмкіндіктер беру және олардың бастамаларына қолдау білдіру болып табылады.
Байқау Қызылорда қаласындағы жалпы білім беретін мектептердің 7-11 сынып оқушылары және Қызылорда қаласындағы химия-биология бағытындағы Назарбаев зияткерлік мектебі және жалпы білім беретін мектеп оқушылары арасында өткізілді.Қатысушы үміткерлер IT технология, робототехника, география, физика, химия, биология, экология, информатика салалары бойынша тың жобалары (автокөлік, өндіріс, ауылшаруашылық, су көлігі, құрылыс, жылу-электр энергетикасы, авиация, космонавтика) мен идеяларын ұсынды. 
Жұмыстар слайд және макет, сызба және т.б. көрнекіліктер түрінде таныстырылды. 
Байқауға қала көлемінде 38 инновациялық жобалар ұсынылды.
Байқауда өз бағаларын беріп жеңімпаздарды анықтаған қазылар алқалары: «Өрлеу» Акционерлік қоғамы басқармасының Қызылорда облысы бойынша филиалының деңгейлік бағдарламалар орталығының жетекшісі Маханбетов Оразбек Мәдібекұлы. Облыстық білім беру басқармасы «Дарын» қосымша білім беру орталығының әдіскері Орманова Ақбаян Мұсақызы. «Самұрық» инновациялық идеяларды дамыту орталығы» қоғамдық қорының директоры Тұсмағамбетов Жандос Бектайұлы. 
Қалалық жастар ресурстық орталығының директоры Досмаханов Жанболат Жеңсікбайұлы. 
I – орын Оңайбек Диляра, Сламғали Сая II – орын Нұрмұхаметов Мади, Талғат Анель 
III – орын Ергеш Алтынбек иеленді.
Шара жеңімпаздары ұйымдастырушылар тарапынан жүлделі орындармен марапатталып және бағалы заттай сыйлықтар (планшет, сымсыз құлаққап, смартфон сағат) табысталды.