СЫР ЖУРНАЛИСТЕРІНЕ АРНАЛҒАН СЕМИНАР-ТРЕНИГ ӨТТІ

Облыстық ішкі саясат басқармасының "Сыр медиа" академиясын құру" әлеуметтік жобасы аясында бүгін Сыр журналистеріне арналған семинар өтті. Жиында "Ақмешіт апталығы" газетінің бас редакторы Ә.Үмбетов әріптестеріне "Бүгінгі БАҚ-тағы тақырыптың өзектілігі мен дәйектілігі" төңірегінде тұщымды ойларын айтты. 

Мұнан соң Қазақстанның еңбек сіңірген қайраткері, "QAZAQSTAN" ұлттық телеарнасының бас редакторы Қайнар Олжай қызылордалық журналистерге "Жазу тәсілдері" тақырыбында әңгіме өрбітті. Қайраткер өз сөзінде мақалаға тақырып таңдау, деректер мен дәйектерді дұрыс қолдану тәсілдері жайлы кеңінен сөз өтті.

 Семинардың екінші бөлімінде Қ.Олжай журналистерге "Редакциялаудың мән-мағынасы" жайлы дәріс өткізді. Медиатренер бұл жолы қазіргі баспасөздерде жиі кездесетін қателіктерге тоқталып, сөз тіркестерін қолдануда сақ болу қажеттігін айты. 
 Семинар соңында қатысушыларға арнайы сертификаттар табысталды.