Елбасының тапсырмасымен іске асқан «Дипломмен ауылға» бағдарламасы Сыр өңірінде де жемісті іске асуда. Педагог, дәрігер, ауыл шаруашылығы мамандарын ауылдық жерге жұмысқа тартуға жол сілтейтін бағдарламаға бүгінде 10 жыл. 

    Қызылорда қаласынан да ауылға аттанған жастар аз емес. Оған мемлекет тарапынан берілер жеңілдіктер қоры бар. Айталық, биылғы жылы 196,9 млн.теңге қаржы бөлініп, 52 маман тұрғын үй сатып алуға мүмкіндік алды. Ал, бөлінген 19,3 млн.теңге қаржыға 109 маман бір реттік көтерме жәрдемақы алды.

   Келер жылдан бастап билік «Дипломмен ауылға» бағдарламасы бойынша бірқатар өзгерістер енгізбек. Әрі жас мамандарға бөлінер қаржы көлемін де арттырмақ.