Жұмыс барысымен Қызылорда өңіріне келген бірқатар депутаттар қаладағы бірнеше нысандарды аралап, көшпелі отырысқа қатысты. Жиында Еңбек және халықты әлеуметтік қорғау вице-министрі Е.Әукеновтің баяндамасынан соң көшпелі отырысқа қатысушылар елде отбасының әлеуметтік картасын енгізу мүмкіндіктерін талқылады. Кездесуге Мәжіліс депутаттары, орталық және жергілікті атқарушы орган басшылары, қоғамдық бірлестік өкілдері мен тұрғындар қатысты.

Айта кету керек, «Отбасының әлеуметтік картасы» жобасы әлеуметтік қызмет пен көмек көрсетудің біріктірілген моделін дамыту жолдарын қарастыратын бірден бір модель.

Депутаттар мұқтаждарға әлеуметтік көмек тетіктерін жетілдіру туралы ұсыныс айтылды. Отырысты комитет төрайымы Гүлшара Әбдіқалықова қорытындылады.