Жастар кәсіпкерлігін дамыту, үздік идеяларды қолдауға арналған  Кyzylorda Business Hub конкурсының Қызылордадағы іріктеу туры аяқталды.

16-29 жас аралығындағы жастардың өз идеяларын іске асыруға арналған конкурсқа қатысушылардың саны көп болды.

Жоба мақсаты - жастардың идеяларын бизнеске айналдыру арқылы табыс табуға, инвесторлармен сауатты қарым-қатынас орнатуға, жобасының мүмкіндігін жария ете алатындай жағдайға жеткізіп, өзін және жобасын инвесторларға өткізе алатындай жауапкершілікке үйрету. 

Жастар стартаптары бағыттарымен танысып, өзі тарапынан ұсыныстарын білдірді. 

Байқауда қатысушылар семинар-тренингтерге қатысып, менторлық сессияларын тамашалады. Мұнан кейін әрбір кәсіпкер өз идеяларын қорғап, бизнес жобаларының маңыздылығын сөз етті. Енді жас кәсіпкерлер бизнес лагерьде инвесторларға өз идеяларын ұсынады.