«Бастау» бизнес орталығында тұңғыш рет PechaKuchaNight форматында кездесу ұйымдастырылды. Өз саласында жетістікке жеткен жастар белгілі тақырып аясында өз ойларымен бөлісті. 

7 спикер 20 секундта 20 түрлі ақпарат айтып, көрермен сауалына жауап береді. 

Қызылорда облыстық цифрландыру басқармасының қолдауымен өткен кездесуде ІТ, әлеумет, білім, ғылым, медиа саласындағы соңғы трендтер айтылды. Жаңа идеялар ортаға салынып, өзара пікір алмасулар өтті.

Еркін форматта өткен кездесуге 100-ге жуық жастар жиналып, көңілді кешке қатысып, спикерлермен ой бөлісті. Өз саласында биікке жеткен жастардың өзара пікір алысу форматы PechaKuchaNight енді дәстүрлі түрде ұйымдастырылатын болады.