18 маусым күні Қызылорда қаласының аумағындағы суға түсуге қауіпті деп белгіленген су айдындарында қалалық төтенше жағдайлар басқармасы мен қалалық ішкі саясат бөлімі, БАҚ өкілдерінің қатысуымен көл жағасында демалушылар арасында қауіпсіздік сақтау шаралары жүргізілді.
Шара барысында спирттік ішімдік ішіп суға түспекші болған үш азамат және ересектердің бақылауынсыз су жағасында жүрген балалар анықталып, қауіпті аумақтан шығарылды. ЖЕДЕЛ ҚҰТҚАРУ ЖАСАҒЫ БАЛАЛАРҒА ҚАУІПСІЗДІК ЕРЕЖЕСІН ТҮСІНДІРДІ.
Қауіпсіздікті қамтамасыз ету үшін қалалардағы шомылатын орындарда кезекшілік ұйымдастырылып, ескерту тақтайшалары ілінген. Тұрғындар арасында үгіт-насихат жұмыстары тұрақты түрде жүргізілуде.
Қазіргі таңда, қала аумағындағы қауіпсіз суға түсу айдындары «Арай» мөлтек ауданы мен Белкөл кентінің маңында орналасқан.