1 сәуір күні Қызылорда қаласының әкімі Нұрлыбек Машбекұлы Жұмыспен қамту, әлеуметтік бағдарламалар және азаматтық хал актілерін тіркеу бөліміне барып, жұмысымен танысты.
Бұл жерде 1-ші сәуірден бастап көрсетілетін атаулы әлеуметтік көмек бойынша қаламызда құжат қабылдау жұмыстары жүргізілуде. Қазіргі күні орталықта тиісті міндеттердің барлығы уақытылы және сапалы орындалуда. Аталған әлеуметтік көмекті алушыларға қолайлы жағдай жасау мақсатында бөлімнің 1-ші қабатында орналасқан 3 кабинеттің материалдық-техникалық жағдайына өзгерістер енгізілді. Оның ішінде күту залы – 150 адамға (осыған дейін 30 адам) көбейтіліп, қызмет көрсететін мамандар саны 15-ке артты (осыған дейін 5 маман). Жалпы алғанда оңтайлы енгізілген өзгерістер нәтижесінде тәулігіне 400-ге жуық өтінішті қанағаттандыру жоспарлануда. Дегенмен бүгіннің өзінде 800-ден астам азаматтың құжаты қабылданды. Орталық мамандары үзіліссіз қызмет көрсетуде.Суреттерді түсірген: Бахтияр Алмусаев