Рухани Жаңғыру
Бізге 200 жыл!
Сыр - Алаштың анасы
Туған күніңмен, Қызылорда!
Сыр елім - Жыр елім Қызылорда
Сыр сұлуы - Қызылордам

«ҚҰС ЖОЛЫ» ҚЫЗЫЛОРДАДА ШЫРҚАЛДЫ

Белгілі композитор Төлеген Мұхамеджановтың 70 жасқа толуына орай 

Нартай Бекежанов атындағы театрда "ҚҰС ЖОЛЫ" атты шығармашылық кеші ұйымдастырылды. 

Мемлекеттік сыйлығының лауреаты, Қазақстанның еңбек сіңірген қайраткері Төлеген Мұхамеджановты Қызылорда облысының әкімі Қырымбек Көшербаев құттықтап, шығармашылық иесіне табыстар тіледі. 

"Осы бір толғанысты сәтте сонау тоқсаныншы жылдары талғампаз көрерменнің жүрек төрінен орын алып, шынайы махаббаттың көрінісін бейнелеген талантты режиссер Талғат Теменовтің "Махаббат бекеті" фильмін еске түсірсек деймін. Күні бүгінге дейін өз тыңдармандарын еселей түскен "Махаббат бекеті" композициясының авторы Төлеген Мұхамеджанов болатын. Төлеген Мұхамеджанұлы тек махаббат әнін жазатын  композитор болып қана қалған жоқ, ол симфония, опера, камералық шығармалар жазып, қазақ өнерінің классикалық үлгісін дамыта білді. Бүгінгі өнер кешінің «Құс жолы» аталуы да тегін емес. Құс аспанға ғана лайық болса, Құс жолы ұлылыққа ғана лайық»,-деді аймақ басшысы.

Шығармашылық кеште музыкант жары опера әншісі Нұржамал Үсенбаевамен бірге "Мен сенімен кездестім", "Махаббат диалогы" авторлық композицияларын орындады. Сонымен қатар, концертте "Заман-ай", "Іңкәрім-ай", "Туған жер", "Мен деп ойла" және өзге де әндер шырқалды.

30 қараша 2018 ж. 821 0

Күнтізбе

«    Желтоқсан 2021    »
ДсСсСрБсЖмСбЖс
 12345
6789101112
13141516171819
20212223242526
2728293031 

Сауалнама

Сайттың жұмысын қалай бағалайсыз?