Сырдария ауданында "Сoworking" орталығы ашылды. Жаңа орталықтың ашылуына Ә.Тәжібаев атындағы Қызылорда облыстық әмбебап-ғылыми кітапханасы директорының орынбасары Б.Мырзахметова, аудандық мәдениет және тілдерді дамыту бөлімінің басшысы Ж.Төрәлиев қатысты.

Айта кету керек, "Сoworking орталығы «Рухани жаңғыру» бағдарламасы аясында жүзеге асып жатыр. Оны Нұр Отан" партиясы аудандық филиалы төрағасының орынбасары Еркебұлан Жақыпбылай деп әңгімеледі.

- Жоба Қазақстан Республикасының Президенті Нұрсұлтан Назарбаевтың «Нұр Отан» партиясын жаңғырту бағытындағы тапсырмасына сәйкес орындалуда. Орталықтағы жұмыс процесінде жастар интернет желісін пайдаланып, кездесулерді, семинарларды, конференцияларды өткізе алады. Осында түрлі форматтағы іс-шараларды өткізуге, кеңес алуға, идеялар талқылауға болады. Бұл игі іс оқырмандар санын арттыруға үлес қосатынына сенім мол,- деді Е.Жақып.