Кеше Қармақшы ауданында «Самара-Шымкент» жолының Ақжар ауылына жақын тұста қос автобустың соқтығысып, екі адам мерт болды. Алдын ала дерек бойынша, Setra автобусының жүргізушісі рөлге ие бола алмай, жолдың қарсы бетіне шығып кетіп, рейстік Қызылорда-Қармақшы бағытымен кетіп бара жатқан автобусқа соғылған.

    2 автобуста барлығы 86 адам болған. Әртүрлі дәрежедегі жарақат алған 43 жолаушы Қармақшы аудандық ауруханасына, 6 адам Жалағаш ауданының орталық ауруханасына, 5 адам облыстық медицина орталыққа жеткізілген.

   Оқиға орнына 3 санитарлық авиация қызметі барған. Дәрігерлер 45 жолаушыға алғашқы медициналық қызмет көрсеткен. Оларға амбулаторлық ем тағайындалды. Қазіргі таңда 29 ауруханада ем қабылдаса, 49-ы үйіне қайтарылған.