Кәсіпкерлікті қолдау жылы көптеген кәсіп иелеріне жаңа іс бастауға жетелеуде. Соның бірі Шиелі ауданындағы «Асылхан» шаруа қожалығы сүт өңдеу цехында жаңа «Ақ мол болсын» деген атауда сүт шығаруда. 

Ағарғаннан түрлі өнім өндіретін шағын цех жергілікті балабақшалардың барлығына жуығын сүтпен қамтамасыз етіп. 

Мамандардың айтуынша, 500 литрлік және 200 литрлік үлкен сүт пісіретін, сүттің майлылығын, белогын, соммасын, температурасын анықтайтын, анализ жасайтын құрылғылар көмегімен тәулігіне 100 литр сүт өңделіп, айран, қаймақ, май, ірімшік, тағыда басқа өнімдер саудаға шығарылады. 

Жергілікті сүтті пайдаланушылардың дені тауар сапасына дән риза. Сұраныстың артып жатқаны кәсіпкердің жұмыс аясын кеңейтуге жол ашып жатыр. Сүт өнімдерімен қатар сүзбе, қатық, айран сынды ұлттық өнімдерге де сұраныс аз емес. Енді жаңа «Ақ мол болсын» сүтін әлі де нарыққа шығару жұмыстарын жүргізу керек.