Энергетика министрлігі елімізде бензин мен дизель құны әлемдегі ең төмен бағалардың бірі болып қала береді деп сендіріп отыр. Бірақ бұл жағдай көрші елдермен салыстырғанда айтарлықтай баға алшақтығына әкеледі. 

Мысалы, Қазақстанда АИ-92 бензинінің бағасы литріне – 205 теңге, Ресей Федерациясында – 288 теңге, Қырғызстанда – 385 теңге, Өзбекстанда 489 теңгені құрайды. Қазақстанда дизель отыны литріне – 295 теңге, Ресей Федерациясында – 355 теңге, Қырғызстанда – 427 теңге, Өзбекстанда 528 теңге тұрады. Осылайша, АИ-92 бензині бағасындағы айырмашылық 40%-дан 138%-ға дейін, ал дизель құны 20%-дан 79%-ға дейін жетеді. Бұл жанар-жағармай тапшылығын тудырып, заңсыз шетелге әкету қаупін тудырады, – делінген хабарламада. 

Осы орайда Энергетика министрлігі баға белгілеудің тұрақты моделі саясатына көшіп жатыр.