Сыр өңірінің мәдениет майталманы, Қызылжарма мәдениет үйінің директоры Рүстембек Айтжанбекұлы Қожабеков — мәдениет пен өнер саласына бар ғұмырын арнаған жан. Ұйымдастырушылық қабілеті жоғары, елге сыйлы азамат ретінде өңірдің рухани өміріне ерекше үлес қосып келеді.

Оның жары Қуаныш Ахметқызы да — мәдениет саласының белсенді өкілі, өнерге жақын, сахнаға жан-тәнімен берілген жан. Екеуі бір салада қатар қызмет етіп, өмірін өнермен өрнектеген жұп қашанда ел алдында, мәдени іс-шаралардың алдыңғы шебінен көрініп жүр.

Бұл өнегелі жұптың ұрпақтары да ата-анасының жолын қуып, өнерге жақын болып өсіп келеді. Қожабековтер әулетінің балалары ән айтып, күй шертіп, би билеп, түрлі шығармашылық байқаулар мен мәдени іс-шараларға белсене қатысып жүр. Өнерге бейім ұрпақ тәрбиелеу — ата-ананың үлгілі тәлім-тәрбиесінің нәтижесі екені сөзсіз.

Қожабековтер шаңырағы — өнер мен тәрбиені ұштастырған, руханиятты жоғары қойған өнегелі отбасы. Осындай өнерлі әулеттер — ел мәдениетінің тірегі, қоғамның мақтанышы.

Халықаралық отбасы күніне орай Қажабековтер отбасына қала әкімінің алғыс хаты мен сыйлығы табыс етілді.