Бүгінде қаламызда 14 үй жанындағы дүкендерден арнайы әлеуметтік бұрыштар ашылып, онда келісімшарт негізінде әлеуметтік маңызы бар азық-түлік тауарлары орташа нарықтағы бағадан 10-15%-ға төмен бағада сатылуда. 

Осылайша тұрақтандыру қорының өнімдері тұрғындарға енді жақын маңдағы дүкендер арқылы төмен бағада қолжетімді болып отыр. Әлеуметтік бұрыш сөрелерінен картоп, жуа, қырыққабат, сәбіз, өсімдік майы мен рожки, қарақұмық жармасы мен жоғары сортты ұндарды белгіленген бағада сатып алуға болады. 

Бүгінде үй жанындағы дүкендерге күнделікті тұрақтандыру қорынан әлеуметтік маңызы бар азық-түлік өнімдері сұраныстарға сәйкес жеткізілуде. Сатушылардың айтуынша тұрғындардың сұранысы күн санап артып, соған сәйкес күнде тауарларға өтінім беруде. 

«Байқоңыр» әлеуметтік-кәсіпкерлік корпорациясының баспасөз қызметі