Қала әкімі аппаратының басшысы, Әдеп жөніндегі уәкіл Жасұлан Абатов қалалық жұмыспен қамту, әлеуметтік бағдарламалар және азаматтық хал актілерін тіркеу бөлімінің қызметкерлеріне мемлекеттік қызметшілердің әдеп нормаларын сақтау және сыбайлас жемқорлыққа қарсы іс-қимыл туралы семинар өткізді. 

         Мемлекеттің басты міндеті - жемқорлықпен ымырасыз күресу. Бұл ретте, мемлекеттік органдар жобалық басқару аясында сыбайлас жемқорлықтың алдын алу және оған қарсы іс-қимыл базалық бағытқа сәйкес жұмыс жүргізуде. Басты талап - сыбайлас жемқорлық тәуекелдерін болдырмау, қоғамда мүлдем төзбеушілік қағидатын енгізу.

         Жиында үлгілік базалық бағыттың орындалуы тұрақты бақылауда болатыны айтылып, әрбір ұсынылатын ақпараттардың сапалы орындалуына қатысты бірқатар тапсырмалар берілді.