Қызылорда қаласы және қалаға қарасты елді мекендерде қала прокурорының орынбасары Б.Мусабаев және қала әкімдігі өкілдерінің қатысуымен тұрғындармен кездесу өтті. Акцияның мақсаты қала, кент тұрғындарына құқықтық түсіндірулер жүргізу, проблемалық мәселелерді анықтау, тұрғындардың сұрақтарына жауап беріп, жергілікті деңгейдегі мәселелерді шешуге құқықтық көмектер көрсету. Кездесу барысында тұрғындардың сауалдары мен ұсыныстары, өтініштері тыңдалып, тиісті салалар бойынша талқыланып, полиция басқармасына және қала, кент әкімдіктеріне тиісті тапсырмалар берілді.