![](/uploads/posts/2022-11/medium/1668854116_c374d85b-f28b-46be-9012-7687a8a42832.jpeg)
Президент Жарлығымен биыл «Балалар жылы» болып бекітілуіне байланысты, облыс әкімі Нұрлыбек Нәлібаевтың тікелей тапсырмасына сәйкес, кәсіпкерлердің демеушілігімен қалада және аудандарда спорт-ойын алаңдарын салу жоспарланған болатын. “Балаларға жұмсалған қаржы болашаққа құйылған инвестиция” демекші, 25 қазан - Республика күні қарсаңында облыс көлемінде бір мезетте 80 жаңа ойын алаңы іске қосылды.
![](/uploads/posts/2022-11/medium/1668854115_42687be7-d8e4-4ee3-841a-f3ee2ca9b85a.jpeg)
Бүгін шаһар басшысы Асылбек Шаменов қаладағы демеушілік есебінен салынған бірқатар спорт-ойын алаңдарын аралады.
![](/uploads/posts/2022-11/medium/1668854371_847c4769-2b08-4ade-93d1-d5daea7ce39e.jpeg)
Қала әкімі алдымен Сырдария мөлтек ауданы №1Б көпқабатты тұрғын үйдің ауласында жаңадан салынған спорт және ойын алаңына барды. Жаңа алаңқайда асыр салып ойнаған балалармен және олардың ата-аналарымен кездесіп, ел ертеңі өскелең ұрпақтың қажеттілігі үшін алдағы уақытта да түрлі жобалардың жүзеге асырылатындығын жеткізді.
Қала әкімі барған келесі спорт-ойын алаңы Саяхат тұрғын ауданы, А.Айдосов көшесінің бойында орналасқан. Демеушілікпен салынған жаңа алаңның қызығына берілген балаларды әңгімеге тартқан Асылбек Өмірбекұлы осынша игіліктің бәрі ел болашағы жас жеткіншектердің жан-жақты дамуы, сымбатты, қайратты болып өсуі үшін жасалып жатқанын айтты. ![](/uploads/posts/2022-11/medium/1668854401_ed818d30-2981-4e7f-b637-5a848246f463.jpeg)
Өз кезегінде тұрғындар шаһар басшысына шексіз ризашылығын білдіріп, көкейлерінде жүрген өзекті мәселелерін, ұсыныс-пікірлерін жеткізді. Асылбек Өмірбекұлы көпшіліктің талап-тілегі ескерусіз қалмай, барлығын өз ретімен шешу жолында жүйелі жұмыстар жасалады деді.