Бүгін ҚР Президенттігіне үміткер Қ.Тоқаевтың сенімді өкілдері Ибадулла Құттықожаев, Әмір Шаймағамбетов, Әбіләзим Әбдіғабит, Юрий Ким, Садық Мұстафаев, Шаймағамбетов Әмір, Руслан Дүлдүл «Евразия» спорт кешенінде  спортшылармен, спорт кешенінің қызметкерлерімен жолығып, үгіт-насихат жұмыстарын жүргізді.    Бұқаралық спортты дамыту мемлекетіміздің басты ұстанымдарының бірі. Әр тұрғын кем дегенде жүгіріп, бойы сергітіп тұрса бұл оның ұзақ өмір сүруіне, денсаулығының мықты болуына септігін тигізеді.
   - Барлықтарыңыз да спортты серік етіп, жүлделі додалардан жеңіспен, марапатпен ораласыздар. Сіздің азаматтық позицияларыңыз да спорт секілді. Тынымсыз еңбектің арқасында өздеріңізді, айналаңызды, түптеп келгенде мемлекетімізді жетілдіресіздер. Бұл еңбектің де марапаты болады. Ол еліміздің қарыштап дамуы болып саналады.   Күні кеше Қ.Тоқаев өзінің сайлауалды бағдарламасында «Әділетті қоғам» қағидасын ұсынды. Бұл өз кезегінде дамыған әлеуметтік инфрақұрылым құруға және адам әлеуетін жүзеге асыруға кең мүмкіндік ашпақ,-деді Ибадулла Құттықожаев.
  Кездесуде спортшылар сұрақтарына жауап берген Әмір Шаймағанбетов олармен сұрақ-жауап алмасып, алдағы сайлау науқанында белсенділік танытуға шақырды.