Қазіргі таңда қала аумағындағы бірқатар сауда нысандарында қалалық кәсіпкерлік, өнеркәсіп және туризм бөлімі мен Қызылорда облысының Сауда департаменті мамандары тарапынан түсіндірме жұмыстары жүргізілуде.

Аралау барысында әлеуметтік маңызы бар азық-түлік бағасының шекті мөлшерден асып кетпеуі туралы түсіндіріліп, жадынамалар таратылуда.  

Айта кету керек, кәсіп иелері «Сауда қызметін реттеу туралы» Қазақстан Республикасының Заңына сәйкес әлеуметтік маңызы бар азық-түлік тауарларын сатып алу бағасын оларға қойылатын 15%-нан асырмауы  қажет және рұқсат етілген шекті бөлшек сауда бағаларын (олардың белгіленген бағасына қарай) көтергені үшін жауаптылықта болады.