Бүгін Қызылорда қаласының әкімі Асылбек Шаменовтың қатысуымен «Алтын тұғыр – Ата заң» атты ҚР Конституция күніне арналған мерекелік салтанатты шара өтті. 
- Сіздерді азаттығымыздың айғағы, тәуелсіздігіміздің тұғыры - Қазақстан Республикасының Конституциясы күнімен шын жүректен құттықтаймын! Ынтымағы мен бірлігі жарасқан халқымыз кемел келешекке Ата Заңымыздың игіліктері арқылы жете бергей! Жарқын болашақтың берік тұғыры, еліміздің дамып, өркендеуінің кепілі – Ата Заңымыздың мерейі мәңгі биік болғай!, - деді құттықтау сөзінде қала әкімі Асылбек Өмірбекұлы.
Салтанатты шарада қаланың дамуына үлес қосып жүрген бірқатар азаматтар аймақ басшысы мен қала әкімінің алғыс хаттарымен марапатталды.