Тамыз айының бірінші жексенбісі көлік қызметкерлерінің төл мерекесі.  Кәсіби мерекеге орай, қала әкімі Асылбек Шаменов бірқатар сала ардагерлері мен қызметкерлерін қабылдап, марапаттады. 
«-Көлік жолдары - бұл адамдар мен тауарлар ағыны қаладан қалаға, аймақтан аймаққа, елден елге ауысатын экономиканың қан айналым жүйесі. Осы ретте, көлік саласы қызметкерлерінің ерен еңбегін ерекше атап өткім келеді. Сіздердің күнделікті қажырлы еңбектеріңіз, мақсатқа жетудегі ынталарыңыз бен іскерліктеріңіз үшін шынайы алғысымды білдіремін. Барлық көлік саласының ардагерлері мен қызметкерлеріне мықты денсаулық, отбасыларына бақ-береке, ел игілігі жолындағы еңбектеріне толайым табыс тілеймін»,-деді шаһар басшысы Асылбек Өмірбекұлы.  
 Мерекелік қабылдауда сала қызметкерлеріне алғыс хаттар табысталды.