Баршаңызды бүгінгі кәсіби мерекелеріңізбен шын жүректен құттықтаймын!

Мәдениет - ұлттың бейнесі, халқымыздың ғасырлар бойы құнарын жоймай келе жатқан рухани қуаты, ақыл-ой, парасатының желкені. 

Бұл мереке еліміздің рухани кемелденуіне және бай мәдени мұрамызды дәріптеуге зор үлес қосып жүрген шығармашылық саладағы жандарға деген айрықша құрмет ретінде жалпыға ортақ сипат алды.

Еліміздің өсіп-өркендеуіне, мәдениет игілігіне шығармашылық тұрғыдан қызмет етіп, ұлттық құндылықтарымыз бен мәдени әлеуетіміздің нығаюында Сіздер қосқан үлес зор! 

Бүгінгі мереке күні айшықты салада қызмет етіп, мәдениет пен өнер көкжиегін кеңейтіп жүрген барша өнер адамдарына ризашылығымды білдіремін.

Әрдайым абыройларыңыз асқақ, мерейлеріңіз үстем болсын!

Өнер шұғыласы шашырайтын осы күні Сіздерге зор денсаулық, отбастарыңызға бақ-береке тілеймін! 

Ұлт руханияты ұлықтала берсін!