Қызылорда қаласының 200 жылдық мерейтойына тарту ретінде түрлі бастамалар қолға алынуда. Осы аптада Қызылордада Арал өңірі өнерпаздарының күндері өтуде. Осыған орай Қызылорданың мерейлі мерекесінде жаңғыртылған аллеяның ашылу рәсімі және мерекелік концерт өтті. Арал ауданы қалалық сапаржай маңында орналасқан жаңғыртылған аллеяның таныстырылымына белгілі азаматтар жиылды. 

2000 шаршы метр болатын аумақты қалпына келтіру,  көгалдандыру, абаттандыру жұмыстары демеушілер есебінен жүзеге асырылған. Аймақ басшысы Қырымбек Көшербаев нысанды қайта қалпына келтіру жұмыстарымен танысты және аудандық қоғам қайраткерлерімен жүздесті. 

Игілікті шара соңы Асқар Тоқмағамбетов атындағы мәдениет үйінде Арал өңірі өнерпаздарының концертіне ұласты. Онда қазақ халық әндері мен билері, патриоттық шығармалар, күйлер және әлемдік классикалық музыканың озық үлгілері орындалды.

Қызылорданың қос ғасырлық мерейтой құрметіне Қызылорда облысы аудандарының шығармашылық ұжымдары арнайы концерт пен мерекелік түрлі шаралар өткізуде.