Соңғы 5 жылда Қызылорда облысында 45 мектеп салынған. Соның нәтижесінде апаттық мектептер мәселесі түбегейлі шешілді.

Жауаптылар биыл аймақтың 60% қаржысы әлеуметтік салаларға жұмсалды дейді. 

- Елбасының тапсырмасына сәйкес біздің өңірімізде үш ауысымдық мектептер мәселесі шешілді, апаттық мектептер қатары жойылды және 3-6 жас арасындағы бүлдіршіндер балабақшамен 100% қамтылды. Білікті де білімді ұстаздарымыздың арқасында дарынды оқушыларымыз шетелдерде халықаралық олимпиадалар мен ғылыми жоба жарыстарында жүлдегер атанып жүр. Биыл мектеп бітірген түлектердің 97%-ы жоғары және арнайы оқу орындарына түскен,-дейді шенеуніктер.

5 жылдың ішінде облыста 45 мектеп, оның ішінде 37-сі апаттық мектептің орнына салынды. Қазіргі таңда аймақтағы орта мектептерге толықтай кеңжолақты интернет тартылып, электронды «Күнделік» жүйесіне қосылған.