Бүгін қалалық ақпараттық топ мүшелері “Қызылорда” автобус паркі” ЖШС ұжымымен кездесті. Кездесу барысында Мемлекет басшысы Қ.Тоқаевтың "Әділетті Қазақстан: заң мен тәртіп, экономикалық  өсім, қоғамдық оптимизм" атты Қазақстан халқына арнаған Жолдауының негізгі басым-бағыттары жайлы сөз етті.
Топ мүшелері Жолдауда айтылған міндеттер мен берілген тапсырмалардың орындалуы бойынша өздерінің пікірлерін білдірді. 
Азаматтарға бейбіт атом энергетикасының әлеуетін пайдалану біздің елімізде ұлттық экономиканың жаңа жоғары технологиялық секторын құруға мүмкіндік беретінін атап өтті.
Жолдау нәтижесінен үмітті жұмысшылар ақпараттық-насихаттық топ мүшелеріне өздерінің сауалдарын қойып, талап-тілектерін білдірді. Жиын соңында кездесуге келушілер Жолдау міндеттерінің жүзеге асуына жұмыла кірісетінін жеткізді.