Бүгін Ә. Тыныбаев атындағы №11 мектеп-лицейінде Мемлекет басшысының «Әділетті Қазақстан: заң мен тәртіп, экономикалық өсім, қоғамдық оптимизм» атты Жолдауын түсіндіру бойынша кент тұрғындарымен кездесу өтті.

   

Іс-шараның негізгі мақсаты Президент ұсынған реформаларда заң үстемдігін нығайту, экономикалық өсімді қолдау және қоғамдағы оптимизм деңгейін арттыру мәселелеріне түсіндірме жүргізу болды.

   

Кент әкімі Айдын Маратұлы өз сөзінде Мемлекет басшысы тек саяси және экономикалық реформаларға ғана емес, сонымен қатар елдің әлеуметтік-экономикалық, мәдени дамуына және кадрлық әлеуетті арттыруға да назар аударатынын атап өтті.

   

Кездесуге қатысушылар Жолдауда айтылған бастамаларды талдауға белсене қатысып, Президент айқындап берген жолға қолдау білдірді.