Арбат бойында тегін интернет. Кеше Қызылорда қаласының 200 жылдық мерейтойына арнап тегін Wi-fi интернет желісі пайдалануға берілді. 

Цифрландыру ісін қарқынды түрде енгізуде Қызылорда «Ақылда қала» жобасымен өзге аймақтардан ерекшеленді. Басты мақсат – тұрғындардың өмірін жақсарту. Игі бастаманы қолға алған ІТ саласының мамандары, яғни жастар «Ақылды қала» жобасының игілігін көретін күн алыс емес дейді. Енді міне, қала күніне орай «Orda wi-fi» жобасын іске қосты. Ақпараттық ресурстарға және мемлекеттік қызметтерге қолжетімділікті қамтамасыз ету үшін тегін Wi-fi интернет желісі пайдалануға мүмкіндік береді. Әзірге «Orda Wi-fi» тегін интернет желісі қала орталығындағы «Арбат» бойында орнатылған. Алдағы уақытта шаһардың өзге де көшелері мен нысандарына тегін интернет қызметі іске асады.  Кеше ғана қолға алынған бұл бастаманы жастар жақсы қабылдады.