4 қазан – ұстаздардың кәсіби мерекесі. Төзімділік пен мейірімділікті қажет ететін ұлы мамандық иелері құрмет төрінен табылды. Қызылорда қалалық білім бөлімінің ұйымдасты-руымен Асқар Тоқмағанбетов атын-дағы мәдениет үйінде «Ұстаз – Ұлы, мәңгілік тұлға» атты мерекелік жиын өтті. 

Салтанатты жиында Қызылорда қаласының әкімі Нұрлыбек Нәлібаев ашып, ұстаздар қауымын төл мерекелерімен құттықтап, Қызылорда қаласының 200 жылдық төсбелгінің білім саласының ардагерлерін және шығармашылықпен айналысатын ұстаздар қауымын марапаттады.

Сондай-ақ, ҚР Білім және ғылым министрі Е.Сағадиевтің және Қызылорда қалалық білім бөлімінің "Құрмет грамота", "Алғыс хаттармен" 125-ке жуық ұстаздар қауымы құрмет көрді.  

Оқушыларды білім жарысына баптап, аймақтың білім деңгейін артуына үлес қосқан ұстаздар төл мерекеде ақтілектерін арнап, биліктің ұстаздарға деген құрметіне алғыстарын білдірді.

Шара соңы «Тұран» тобының орындауында ұстаздар қауымының гимніне айналған «Ұстазым менің ұстазым» әнімен қорытындыланды.